Le poesie di Fefè

UCRAINA 2022

Si leggi, a voti, `nta li libbra `i storia,
c`a vacca dici: "Si` curnutu!" o` sceccu.
O puru, forti cu tantu di boria:
"Siti `na pocu i crasti!" Fa` lu beccu!

Ora lu Russu recita a memoria,
e sempri lu ripeti comu a un checcu:
"Fazzu stramini, no pi la me gloria.
Picchì nazisti siti! E` veru, Eccu!"

Di quannu, pi la manu di Cainu,
Abeli morsi, pòviru nnuccenti,
di li caini ormai lu munnu è chinu!

E sempri cchiù si fannu priputenti!
Intantu, dici `ncruci lu Divinu:
"Patri pirduna... nun capisci nenti!"

Pagina stampata dal sito Sicilia nel Mondo

www.sicilianelmondo.com
info@sicilianelmondo.com