Le poesie di Fefè

LUTTO NAZIONALE

14 Giugno 2023

D`accordu cu lu luttu nazionali!
Pi `u mortu era un liggittimu dirittu,
pi quantu `a Liggi ci havìa fattu mali
a iddu chi nun fici mai un dilittu!

Vidìstivu chi chianti o` funerali?
Comu duranti tuttu lu tragittu
nun c`era ne surdatu o generali
chi nun si dimustrava tristi e afflittu!

Però mi surprinnìu `sta malazioni
e arristavu comu a un scimunitu:
lu mortu l`abbruciaru! Cremazioni!

Mi dìssiru ca accussì fu stabilitu
quannu parraru di "resurrezioni"
chiddi cchiù cumpitenti d`u Partitu!

Pagina stampata dal sito Sicilia nel Mondo
www.sicilianelmondo.com
info@sicilianelmondo.com