`A nannulidda (Ciuri ciuri)
Pochi sanno che il suo vero titolo non è ‘Ciuri ciuri‘ ma ‘A nannulidda‘ cioè ‘la piccoletta‘.
‘A NANNULIDDA (CIURI CIURI)
Amuri, amuri chi m’hai fattu fari/
Fari m’hai fattu ‘na granni pazzia/
Lu Patri Nostru m’hai fattu scurdari/
La megghiu parti di l’Ave Maria.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
Mi vogghiu sciarriari cu me matri/
Picchi mi fici accussi curtulidda/
‘Mezzu li longhi nun ci pozzu stari/
Ca tutti mi ‘ngiuriano ‘a nannulidda/
Li longhi su sciarreri e miciddari/
Hanno la ‘ucca quantu ‘na maidda/
Li curtuliddi su pasta riali/
‘Mpastati su cu zuccaru e lu meli.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
Haiu ‘na zita ch’è na nannulidda/
Bedda di facci e si chiama Pudda/
iu la tinia comu na ciuridda/
ma un jornu la pirdii ‘mezzu la fudda.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
Idda si runculia ch’è curtulidda/
Picchì ‘mezzu a li longhi/
Nun ci po’ stari/
È megghiu ca mittemu ‘na maidda/
E cu lu sagnaturi l’e m’allunghari.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
Saridda è tantu duci, cara e pazza/
Ammatula s’ammola sta vuccazza/
‘Nun po’ cangiari mancu si s’ammazza/
Conzala comu voi sempri è cucuzza.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
Haiu ‘na zita ‘ca si chiama Nedda/
Bedda di facci ma senza mirudda/
Ci addumannai un vasuni ma ‘sta bedda/
Mi rissi “no” picchì…mangiai cipudda.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
Chiù ti taliu e chiù addiventu siccu/
Mi sentu cu la testa rintra nu saccu/
‘pi ghiri appressu a tia persi lu sceccu/
e ora cu soccu riavulu cavarcu.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
La fimmina è ‘na bestia vilinusa/
Ca la so’ parola un cantaru pisa/
Quannu si mostra d’esseri affittusa/
Tannu ti leva puru la cammisa.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
Ammatula t’allisci e fai cannola/
Lu santu ch’è di marmu nun sura/
Ammutalu ti pettini e t’allisci/
Lu cuntu chi t’hai fattu nun t’arrinesci.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU
Lu sabatu si chiama allegra cori/
Beatu cu havi bedda la muggheri/
Cu l’havi laria ci si chiuri lu cori/
Cu l’havi bedda fa sogni d’amuri.
CIURI CIURI, CIURI DI TUTTU L’ANNU
L’AMURI CHI MI RASTI TI LU TORNU.
