La canzuna di l`emigranti
E un jornu pi casu ci addumannai all`emigranti:
Chi ci metti nta `sta valigia,
una valigia granni, ma spissu vacanti?
M`arrispunniu accussì allura l`emigranti:
Ci mettu la casa, ci mettu la strata
e lu barcuni di la me zita.
Ci mettu la piazza, ci mettu l`amici
e la festa di lu paisi.
Ci mettu la pasta, anticchia di pani,
chi dunni travagghiu `unni lu fannu accussì.
Ci mettu la zagara rigina
e la lingua di li me canzuni.
E` chi sugnu scarsu, `un c`è chi fari,
a jri luntanu pi travagghiari,
però lu ricordu è `nta `sta valigia.
Li cosi cchiù beddi `un si ponnu lassari.
Ci mettu la casa ecc.
