Lu suli e la luna - N. Martoglio
- Chi nni vuliti, caru amicu miu,
a mia m`ha fattu sempri `sta `mprissioni:
ca a pettu di lu suli su` un schifíu
la luna e tutte le costillazioni.
Lu suli é fattu di `na costruzioni
ca fa `n caluri, salaratu Diu,
ca s`arristora `na pupulazioni...
E inveci, ccu la luna, non quaríu!
- `N mumentu... Approvu zoccu aviti dittu:
lu suli ci la vinci, in questa classi;
ma... in quantu a lustru, mi pariti pazzu.
La luna nesci quann`é scuru fittu
e ju sparagnu sopra l`ogghiu a gassi...,
`u suli nesci a jornu; chi nni fazzu?
