Sicilia `ncantata
Oh furesteri ‘ca lu munnu giri
‘ncerca di cosi rari e di biddizzi
Veni ‘n Sicilia ‘ca li gran ricchizzi
Lu Signuruzzu li criau ‘cca.
Cerca ‘ca trovi ‘sta terra d’amuri
‘stu paradisu ‘nterra di splennuri.
Unni tu viri zagara
Fimmini spetti e beddi
Ddocu c’è la Sicilia, si arrivatu già.
Li cosi beddi, lu Criaturi
li gran favuri li fici ‘cca.
Veni ti ricu ‘cca c’è Mungibeddu
Li mennuli ‘nto ‘nvernu su ciuruti
L’aranci d’oro e l’arvuli ‘mpinnuti
Lu vecchiu veru vecchiu ca nun c’è
Nun dumannari ammatula a pirsuni
Li stessi orvi trovanu a tastuni.
Unni lu cielu è limpidu
Unni su rose e ciuri
Ddocu c’è la Sicilia, si arrivatu già.
Li cosi beddi, lu Criaturi
li gran favuri li fici ‘cca.
