`U cirasaru
L’haiu cappuccia e duci ‘sta cirasa/
Niura e tunna la nucca e lu peri/
L’accattanu maestranze e cavaleri/
Qu’è chi la voli ‘u cirasaru è ‘cca.
Figghioli beddi e fimmini di casa/
Scinniti la gistra e scinniti li panara/
L’haiu citrigna e l’haiu castagnara/
Haiu cirasa ch’è di qualità/
Chianciti picciriddi squitatici la casa/
Ca mamma vi l’accatta la cirasa./
Nesci ‘cca fora, affacciati baggiana/
Agguala li to biddizzi a ‘sta raffiuna/
Va ‘ncastatilli ‘na ‘sti vucculuna/
Fanni gulera di ‘sta rarità/
‘Cu ‘sta galanteria nun spenni grana/
Ca ti la canciu cu ‘sta cirasuna/
La svinnu ‘pi cuntanti e cu vasuna/
Ca n’haiu tanta n’haiu ‘nquantità/
Chianciti picciriddi squitatici la casa/
Ca mamma vi l’accatta la cirasa.
