La puisia di Natali
Fefè Vaccaro
La puisia chiù vera la fici lu Signuri
e la chiamo: NATALI!
La scrissi nta na notti
fridda, ma china i stiddi;
dintra na stadda povira
chi addivintò una reggia;
quannu `u silenziu i l`omini fu tali
ca ca si sintìanu l`ancili cantari.
La Puisia chiù duci lu Signuri
ni la vosi purtari pi signali
d`u so infinitu amuri.
La puisia chiù granni lu Signuri
la vosi fari pi li puvireddi,
pi li malati, pi li picciriddi,
pi chiddi senza curpa`ncarcirati,
pi `emigrati, pi li vecchi abbannunati,
pi chiddi chi la notti tàlianu li stiddi,
sèntinu a vuci i l`ancili
cu l`oricchi di l`anima
e hannu u cori chinu di firiti
chi mentri batti dici: PACI, PACI!
