Guvernu-Robin Hood
Fefè Vaccaro
Cu la cultura di la storia antica
li guvirnanti novi liggi fannu,
provanu a alliggiriri la fatica
d`a genti chi travagghia tuttu l`annu.
Ma quarchi ciriveddu di muddica
cunfunni chiddi chi assai beni stannu
cu a genti chi di nenti si nutrica.
Ed è pi chistu ca cummina dannu!
Pigghiannu esempiu d`un arceri `ngrisi,
chi sparteva u buttinu cu i cumpagni,
o`stissu passu u guvernu si misi:
pi cummigghiari `ntrallazzi e magagni
ni levanu i mutanni e li cammisi:
si futtinu ogni cosa chi guadagni!
