Lifting
Fefè Vaccaro
Pi pàriri a li fìmmini chiù beddu
jivu `nta una clinica di lussu
d`unni m`assistimarunu l`aceddu,
l`ossa,li denti,l`occhi e puru `u mussu.
C`un bìsturi speciali (e no un cuteddu),
un chirurgu famusu e indiscussu
mi fici riturnari picciutteddu,
tantu ca, a voti, m`addiventu russu.
Sulu ca `ntesta m`arristò la luna,
pi via d`u ciriveddu chi firrìa
e di lu gran caluri chi sprigiuna.
Docu purtroppu nun c`è chirurgia...,
anzi ca nu s`aggrippa, pi furtuna,
quannu mi scappa quarchi fissaria!
Indietro
Powered by