`A terra mia
Fefè Vaccaro
Per Armando Carruba saluti
e questa poesia per la 9.a rassegna
`A TERRA MIA
Ca la Sicilia è terra d`amuri
è virità chi sapi tuttu `u munnu,
lu suli nostru duna lu culuri
a ogni fruttu e fa `u furmentu biunnu.
Ci su biddizzi tanti e di valuri
ca già sulu a pinsalli mi cunfunnu,
sulu `u travagghiu è scarsu e pi suduri
nun si po` diri ca ci nn`è in abbunnu.
Siccomu semu omini d`onuri
nun putemu parrari a tuttu tunnu,
ma sulu `nta l`oricchi o` cunfissuri.
Di cu è la curpa si finemu o` funnu?
Di li mafiusi...?`I quarchi senaturi..?
Scusatimi, ma a chistu nun rispunnu!
Indietro
Powered by