Senza titolo (2)
Fefè Vaccaro
Una parentesi triviale per qualcuno che, magari all`estero, ama le cose belle e mai sorpassate.
Ogni studiusu sapi ca lu nacchiu
(allotròpicu nomi di lu ........)
pi vocazioni sprezza l`omu racchiu
e chiddu spizzicatu `nta l`oricchiu.
Apprezza `nveci duru lu pinnacchiu,
speci `ntu lu mumentu di lu `ncrìcchiu,
ca senza chistu nun valissi un cacchiu
e ci vinissi a tutti lu stinnìcchiu.
Stu centru `i l`universu è pi natura
lu cchiù putenti d`i midicinali,
picchì ogni cosa muscia la fa dura
e l`omu fa vulari senza l`ali.
Duviri è dunca avìrinni gran cura
ed è curnutu cu ni parla mali.
