Lu prigiudiziu di lu moralista
Fefè Vaccaro
Di quannu seppi ca lu babbaluci
è bestia pi nautura ermafrodita
e chi l`amuri fa e si ripruduci
stricànnusi lu coddu cu la zita,
cotta, `nto piattu cchiù nun mi seduci
chista pitanza, prima assai gradita.
Sarà forsi la vita ca cunnuci
ca pi la me murali `unn`è pulita.
Anzi, si pensu quantu, in abbunnanza,
mi nni manciavu cu lu pitrusinu
quasi mi veni lu duluri `i panza!
Mi piacèvanu `nzèmmula a lu vinu...!
Dunca, viditi comu la `gnuranza
fa pàriri li froci un cibu finu!
Indietro
Powered by