Beneficienza
Fefè Vaccaro
Finalmenti c`è un guvernu
chi aumenta li pinsioni,
chi ni scala i midicini.
Viva! Viva Berlusconi!
Doppu tanti opposizioni,
puru i tassi ni diminuisci,
ora puru un puvireddu
può accattari carni e pisci.
si li cosi vannu lisci,
ogni lazzaru sfardatu
chi ha rubatu un pani o un pullu
sarà prestu pirdunatu.
Siddu inveci è un avvocatu,
reu di `mbrogghi e di `ntrallazzi,
pronta c`è la cullittina
chi nu leva di `mbarazzi.
Egualmenti tanti pazzi,
siddu avrannu fantasia,
prestu avrannu lu cumannu:
Chista sì è democrazia!
Farà scunti ogni putìa
cu la scritta bella granni:
ccà si isanu i cammisi
e si calanu i mutanni!
