La giustizia
Fefè Vaccaro
Si fussi `a liggi uguali pi tutti,
comu c`è scrittu `nta li tribunali,
tanti nun fùssiru certu arriddutti
accussì pòviri, accussì mali.
Quantu mafiusi, ricchi e currutti,
chi s`accucchiàrunu lu capitali
facennu `mbrogghi di li cchiù brutti,
scìnninu e acchiànanu lu Quirinali?
Chi nni sapemu cu cu` su` `ncutti!
Certu `stu mottu pi tutti `un vali,
nun si pirduna a cu` futti, futti,
picchì a `stu munnu nun semu eguali:
si nun hai amici, chistu lu scutti;
si arrobbi picca si` un criminali!
Indietro
Powered by