Effetto Cernobyl
Fefè Vaccaro
Sti radiazioni atomichi
pari ca `un fannu nenti!
A mia sai chi mi fìciru...?
Sugnu fusfuriscenti!
Iu vitti ca spugghiànnumi,
`nta cammara a lu scuru,
comu una lampa illùminu
lu tettu e puru u muru.
A lu spitali dicinu
ca è cosa passiggera,
anzi: "... a bulletta elettrica
la paghi chiù liggera..."!
Ma a mia nun mi cunvìncinu,
iu vogghiu riturnari
com`era prima: semplici,
normali e naturali.
La notti `un pozzu dòrmiri,
mi dugnu timpuluna,
picchì, c`u lustru, vèninu
muschitti e zappagghiuna!
Però, già mi prumìsiru,
si `un mi finisci mali,
un postu di cumeta
nta l`arbulu `i Natali!
