Cuncursi a cattidra
Fefè Vaccaro
Lu prufissuri SPINGULA
nun si capacitava
picchì, `nta la carriera,
avanti mai nun jiava
mentri`u cullega AVUGGHIA
sempri lu pupirava.
All`urtimu cuncursu
ci dissi lu Retturi: - Nun servi tutta `a vita
studiari pi uri e uri,
nun è cchiù la cultura
chi fa lu prufissuri!
Ci voli l`attitudini
pi chista prufissioni.
Taliassi o` so collega...
nun sapi una lezioni,
ma passa, senza `mpinciri,
c`a raccumannazioni!
Lei SPINGULA è sapienti,
ma ammàtula prutesta,
è tutta sua la curpa
si sempri aun puntu resta:
L`AVUGGHIA passa libira,
lei `mpinci pi la testa!
