`NT`O` DENTISTA
(Chista, `ncorniciata, l`havi appizzata `nt`o` studiu M.P. u me dentista)
Quannu tirava i denti lu varberi,
c`un litru `i vinu comu anistisia,
ognunu si diciva li prigheri
e luna e firmamentu poi vidìa.
Ora c`addivintò dottu misteri,
cu tantu di diploma in chirurgia,
un denti di tirari `un è pinseri...
si cura, comu ogn`àtra malatia.
`Nta lu pirtusu fai l`otturazioni;
protisi; pernu; ponti d`oru e impiantu
e, fatta la devitalizzazioni,
cchiù di duluri nun c`è nuddu scantu.
Quannu vidi lu cuntu è l`afflizioni:
a stentu po` trattèniri lu chiantu!
Traduzione
Indietro
Powered by