LOTTU E LUTTIRII
(Dal Giornale di Sicilia del 9/11/1988)
Quannu c`è puvirtà nta lu Paisi
aumèntanu scummissi e luttiria.
Cu stu sistema lu guvernu, in crisi,
voli sarvari facci e economia.
Cu` stenta p`arrivari a` fini misi,
si pìgghia st`oppiu e, cu la fantasia,
viaggia pi lu munnu, francu `i spisi,
scurdànnusi miseria e malatia.
Cu` accatta li bigghietti o joca un ternu
è u populu, gnuranti e bacchittuni,
chi nun capisci ch`è pigghiatu a schernu.
Cu` siggi inveci è sempri lu patruni,
chi si nni futti di la stati e `nvernu
e ridi di cu` persi la ragiuni!
Traduzione
Indietro
Powered by