SCUTU STIDDARI
Siddu quarcunu java dumannannu
di cu` è lu spaziu tuttu `ntornu o` munnu,
ora si po` livari chistu affannu
picchì Bush lu dissi chiaru e tunnu:
"Ufficialmenti, a pàrtiri di st`annu,
tutti li Stati chi nto` munnu sunnu,
si `un nùtrinu un amuri-USA prufunnu,
hannu di stari accura a zoccu fannu!
`Nfatti, pi fari si ca `un fannu dannu,
cu lu scutu stiddari iu arrispunnu
a tutti chiddi chi nto` spaziu vannu.
E si nun hannu u passi `un mi cunfunnu:
o tòrnanu n`arreri opuru `i scannu,
senza neppuru pèrdiri un secunnu"!
Traduzione
Indietro
Powered by