INSIMINAZIONI P.M. E CLONAZIONI
Ci dissi a me muggheri, siddu moru,
pi eredità ti lassu sta simenza.
La metti a banca comu fussi l`oru
e m`assicuri la supravvivenza.
M`arrispùnniu ca `un havi chi nni fari
di sta simenza misa cungilata,
ca un picciriddu po` sempri accattari
cu chidda frisca e no riquadiata!
M`arresta allura l`urtima illusioni
pi `un pèrdiri li geni `i l`esistenza:
m`affidu a i mastri di la clonazioni,
l`urtimu spirimentu di la scienza.
E si cu` "diennià" si fà casinu
e spunta un clunu menzu babbuinu?!
Traduzione
Indietro
Powered by