GUVERNU-ROBIN HOOD
Cu la cultura di la storia antica
li guvirnanti novi liggi fannu,
forsi pi alliggiriri la fatica
d`a genti chi travàgghia tuttu l`annu.
Ma quarchi ciriveddu di muddica
cunfunni chiddi chi assai beni stannu
cu a genti chi di nenti si nutrica.
Ed è pi chistu ca cummina dannu!
Pigghiànnu esempiu di un arceri `ngrisi,
chi sparteva u buttinu cu i cumpagni,
o` stissu passu u guvernu si misi:
pi cummigghiari `ntrallazzi e magagni
ni lèvanu i mutanni e li cammisi;
si fùttinu ogni cosa chi guadagni!
Traduzione
Indietro
Powered by