LA DIGNITA` D`U LIUNI
(Dal Giornale di Sicilia del 14/5/1986) Quando la Villa Giulia a Palermo era anche zoo
Jivu a la "Villa Giulia" pi taliari
l`armali dintra a gàggia comu stannu:
pi un pocu `i pani duru di manciari
mancu lu immagginati comu fannu!
Quannu iu mi `ncugnava a quarchi gàggia,
chi fussi di l`aceddi o d`i crapuzzi,
scurdànnusi a natura so` sarvaggia,
grapèvanu li vucchi l`armaluzzi!
Sulu u liuni stava stinnicchiatu
e nun curanti di la me prisenza,
forsi pinsannu a i glori d`u passatu,
nun accittava la benificenza.
Tra un sbadigghiu e n`àutru parìa
ca mi vulissi diri: "Sugnu ccà
no picchì aspettu lu manciari `i tia,
ma picchì privu di la libirtà!
Puru siddu mi vidi `nta st`agnuni,
cu li surci chi abbàllanu a lu latu,
ricòrdati ca `un si lu mé patruni
e ca la me natura `un ha canciatu!
Arrestu sempri u "Re di la furesta",
puru si nun mi chiamanu "Maistà",
pi un tozzu `i pani duru `un perdu a testa
e salvu armenu la mé dignità"!
Traduzione
Indietro
Powered by