PALERMU BEDDA
(24.02.1986)
Palermu, la duminica matina
è la Palermu di tant`anni fa`:
ma chi silenziu, c`aria supraffina
sutta a li plàtani di via Libirtà!
Si senti di luntanu `na campana,
vidi, a cavaddu, du` carabbineri,
cu lu pinseru torni a` vita sana
chi si faceva `nta `sta strata aèri!
Pi chistu, quannu haiu la nustalgia
di chista mé cità bella pulita,
nun fazzu sforzi cu la fantasia:
Aspettu un jornu `i festa chi m`invita
e vaju a la missa, sulu o in cumpagnia.
E` comu arruspigghiàrisi a la vita!
