A TUTTI L`AMICI DI SNM
(Natali 2006)
A tutti nun vi pozzu ammuntuari
amici di Sicilia nta lu Munnu,
picchì un sunettu nun ci po` abbastari
e a fari un puema mi cunfunnu.
Ma chiddu ca vi pozzu assicurari,
lu dicu a tutti forti, chiaru e tunnu,
è propiu lu me affettu, chi ammucciari
nun pozzu pi quant`è granni e prufunnu.
Aviri tanti amici: chi furtuna!
Sapiri ca è sinceru u sintimentu
chi, puru si luntani, n`accumuna,
chi a tutti fà vicini nta un mumentu,
grazi a l`Amuri ca u Signuri duna
éssiri frati e soru è u nostru intentu!
Traduzione
Indietro
Powered by