SPITALI `NGRASCIATI
Lu surciteddu di testa sbintata
nun pìgghia cchiù la via di l`acitu,
si fici giudiziusu, canciò strata
di quannu lu spitali fu custruitu.
Campa cu na famigghia assistimata
`nta un nosocomiu sempri rifurnitu
d`ogni pitanza ricca e prilibata,
senza lu scantu d`éssiri punitu.
`Nfatti `nta lu spitali a pulizia
veni fatta ogni tantu e malamenti
puru `nta lu repartu `i chirurgia.
A i medici nun ci ni futti nenti
si li malati hannu cumpagnia
e li scravagghi e i surci su cuntenti!
