LI PRUGRESSI DI LA MIDICINA
Fìciru li scienziati una scuperta
veru impurtanti pi la midicina
chi a tutti ni lassò cu a vucca aperta:
pruveni di lu culu d`a gaddina!
Ossìa, mi spiegu, ormai la cosa è certa,
`nta l`ovu, di la sira a la matina,
veni prudutta una sustanza sperta
d`ogni malannu chi ni fà ruina.
In basi a l`alimenti assimilati
madama coccodè ni duna a cura:
nun vannu cchiù o` spitali li malati,
sùcanu un ovu friscu quannu è l`ura,
si fannu un`omelette, du` frittati...
La guarigioni, dìcinu, è sicura!
