L`ARANCI DI FRANCUFUNTI
L`aranci `i Francufrunti su` speciali,
su` russi russi e cu la scòccia fina,
in tuttu u munnu nun ni trovi eguali,
sulu a vidìlli veni l` "acquolina".
P`apprizzari stu fruttu e quantu vali
n`hai a sprèmiri na para a la matina
e hai lu dissetanti naturali
riccu `i sustanza e d`ogni vitamina.
Si vuoi tu ci po` fari la `nsalata:
cunzati cu tanticchia d`ogghiu e sali,
ti garantìsciu, `un c`è megghiu manciata.
Ti fa cchiù beni d`un midicinali.
Nun si po` diri tàvula cunzata
si a centru `un c`è `stu fruttu eccezionali!
Traduzione
Indietro
Powered by