LITTRA A UN GIURNALI
Egregiu Diretturi d`u giurnali,
cu Lei fazzu `sta pubblica prutesta
picchì sugnu trattata troppu mali
di me maritu chi pirdìu la testa.
La curpa di la crisi coniugali
l`hannu `sti fimmineddi senza vesta
chi a un ciriveddu levanu lu sali
e fannu dannu a na muggheri onesta.
Vògghiu pubblicamenti dittu scusa
pi ogni stravacanza la cchiù strana,
pi ogni offisa stùpita e fitusa.
Sapi: chiancivu na nuttata sana
quannu, `nto menzu a genti piducchiusa,
lu vitti cu `nta testa la bandana!
