SYLVIANE
(Ritrattu doppu l`incontru a Bulugnetta nni Kathy lu 31 marzu 2007)
Ma quali nonna! E` `na picciuttedda
chi s`intendi di musica e puisia,
amanti d`arti, di filosufia,
chi vesti in jeans e no cu la faredda.
Iu mancu vi lu dicu sidd`è bedda
picchì l`aviti la fotografia.
In cucina (d`accussì pari a mia),
è mastra di tiànu e di paredda.
Iu dicu ca u paisi `i Terrasini
cu li francisi avissi a prutistari
pi fàrisi, a lu menu, rimbursari.
Vi pari nenti? I ciriveddi fini
la Francia `i teni ddà senza pagari
e sunnu i siciliani li cchiù cari!
