APOLOGIA DI LU LETTU
25/10/2007
Putenza d`invinzioni ch`è lu lettu
(perfezionata poi c`u matarazzu)!
Si miritassi un premiu st`architettu
chi a l`omu cunsintìu chistu sullazzu.
Nun c`è cristianu, maritatu o schettu,
chi senza d`iddu `un fussi in imbarazzu.
E nun c`è nudda casa c`havi un tettu,
c`havi cucina, porta e catinazzu
chi manca di `stu beni eccezionali!
La sira comu si putissi fari?
Durmissìmu pi `nterra comu armali?!
Inveci c`è stu mòbili... st`artari!
N`accogghi comu un àncilu cu l`ali
ni duna paci e ni fà `nsunnari!
Traduzione
Indietro
Powered by