LA TANGENTI
(Dal Giornale di Sicilia del 1/6/1988)
Un ministru impurtanti, ...un ministruni,
vinni purtatu avanti a l`inquirenti
pi via ca un industriali (lazzaruni!)
lu numinò pi un fattu di tangenti.
- Iu pozzu dimustrari, e cu raggiuni,
ca sugnu onestu, puru e innuccenti...
forsi lu segretariu miu, ammucciuni,
aggèva senza ch`iu sapissi nenti!
...Sì, `ntisi diri ca ddu stravacanti,
un jornu ch`iu pi affari era luntanu,
purtò na burza `i pìcciuli in cuntanti!
Ma iu sugnu democraticu e cristianu
e nun avissi aggiutu comu a tanti! -
(Cusà picchì, si muzzicò la manu!).
