LA SAPIENZA E LA `GNURANZA
(Cronaca del 15 gennaio 2008)
A l`Università la cunfirenza
c`havìa a fari lu Papa fu bucciata
(parru di Roma e di "La Sapienza")
picchì vinni `i quarcunu cuntistata.
Si dissi disturbava la prisenza
di Binidittu `nta `dda matinata:
"La Chiesa ha fattu sciarri cu la Scienza...!"
E festeggiaru cu na gran manciata.
"Siccomu a Galileu lu cunnannaru,
facemu ora nuatri rimustranza...
a iddu cunnannamu paru-paru!"
Pi chistu, pi `sta speci `i stravacanza,
a l`Università la numinaru
ora nun cchiù Sapienza ma Gnuranza!
Traduzione
Indietro
Powered by