LA PULITICA
(Dal Giornale di Sicilia del 18/10/1984)
Ancòra lu settènniu `i presidenza
nun ha finutu e già si fannu avanti
li pritinnenti a l`onurificenza.
Cu è chi privarrà davanti a tanti?
C`è `u vecchiu presidenti tantu amatu,
ci sunnu deputati, senaturi...
quarchi ministru un pocu murmuriatu
e avutri chi cancianu culuri.
Mi pari `na partita a rubamazzu
d`unni, quann`unu pari c`ha vinciutu,
c`è n`àutru chi allonga lestu un vrazzu
e ci arrobba li carti, mutu, mutu.
E` chista la pulitica in sustanza:
un tavulinu, quattru jucatura
jiunciuti a strumintiari `nta na stanza,
mentri `u populu aspetta fora `i mura!
