PI LU COMPLEANNU DI LA ZITA
6/8/2008
Lu jornu chi fà l`anni la me zita
m`e` sprémiri mirudda e fantasia
pi fari la cchiù bedda puisia
chi a idda possa éssiri gradita.
C`e` diri ca è pi veru sapurita
e siddu ammacca l`ossa a` cumpagnia
quannu è pigghiata di la gilusia
lu fa senza causari `na firita.
C`e` diri c`havi spiritu e prisenza,
ch`è fina, dilicata e intelligenti
(ca `nta la vita umana sunnu essenza).
C`e` diri puru c`havi beddi denti...
no, ca mi pari troppa cunfidenza...
di chistu è megghiu ca `un ci dicu nenti!
