LU BARDASCIU
21/09/2008
Sta puisia la dédicu a un bardàsciu
ca, p`accamora, ci va tuttu lìsciu;
scansa li colpi e pàssanu di strìsciu
picchì si cala, puru s`iddu è vàsciu.
Talia, la musa mia di quannu nàsciu,
voli ca cu li versi l`ammonìsciu.
Ammàtula: si parra mi scompìsciu
e pi li gran risati `i seggi sfàsciu.
Vulénnumi sbariari mi ni nésciu
pi fàrimi na passiata e chiuju l`ùsciu.
Ma `nta mirudda haiu a iddu: `un ci arrinésciu.
`N menzu a li so cazzati mi ci `n trùsciu
`nfinu ca nausiatu mi rovésciu
e m`arricampu a casa mùsciu mùsciu.
