A Esther Di Stefano
Figlia del Poeta Giuseppe Di Stefano in seguito alla presentazione del libro postumo che porta nel risvolto di copertina la fotografia del Poeta.
Ricordatillu ca rideva a mia
to` patri, u` setti lugliu ottantasei,
quannu ci fici `dda fotografia
`nta lu jardinu di li filistei.
Sempri si discurreva di puisia,
di li sunetti sui e di chiddi mei,
di chiddi cosi chi la fantasia
a li pueti fa séntiri dei.
Ora passaru cchiù assai di vint`anni,
iddu è `nta i vrazza di lu Criaturi,
iu, `nterra, chiànciu ancora li me affanni.
Ma pi furtuna haiu `stu granni amuri
ca nun tradisci e nun procura danni:
la Puisia allévia ogni duluri.
Traduzione
Indietro
Powered by