Cchi è l`amuri?
di Gianni Farruggio
No é facili spiegari
cchi é l`amuri,
veni a l`antrasatta,
u senti `nto to cori.
E` comu a `nventu cauru
ca t`accarizza a peddi,
é `nsensu di piaciri,
u sangu ca ti ugghi.
E c`é l`amuri di la mamma
ca dassi a vita ppi so figghiu,
Ppi idda è tuttu, è la so sciamma,
`Nta lu munnu non c`è megghiu.
S` `u talia si lu vasa,
`nta lu pettu si lu strinci
Quannu arriri, inchi la casa,
ma su peni quannu chianci.
E c`è puru chiddu ppi la terra,
P` `o paisi unni criscisti.
Ppi li strati ppi la chiazzi,
ppi la casa unni nascisti.
Ah!... L`amuri è bellu!... Si!
Sudd`è sinceru!...
E si cci ll`hai,...
tenitillu caru!...
Picchì si u peddi,
iu, ti l`assicuru...
Tuttu di `ncoppu,...
t`arritrovi o scuru!
