Scrivici

Li surci

di Giovanni Meli

Un surciteddu di testa sbintata
avia pigghiatu la via di l`acitu
e facìa `na vita scialacquata
cu l`amiciuna di lu so partitu.

Lu ziu circau tirallu a bona strada,
ma zappau all`acqua pirchì era attrivitu
e di cchiù la saimi avia liccasta
di taverni e di zàgati peritu.

Finarmenti Mucidda fici luca,
iddu grida: Ziu!-Ziu! cu dogghia interna,
sò ziu pri la rammaricu si suca,

poi dici: Lu to casu mi costerna,
ma ora mi cerchi? chiaccu chi t`affuca!
Scutta pi quannu isti a la taverna!

Traduzione Indietro

Powered by