Li varchi a mari
Armando Carruba
Mare antistante piazzale delle Poste – SR
Scinni `u piscaturi
`a varca a mari
pi n`autra jurnata
china di sururi.
Accussì è la vita,
comu navigari
`nta `n mari di gioi e di duluri.
Pacienza ci voli
a lu piscari,
e ccu pacienza
si tira a campari;
ittannu `a riti
ogni matinu
e ringraziannu a la sira
`u distinu,
comu `u piscaturi
ca sempri accetta
chiddu ca `a sorti so ci porta.
Mudestu è lu me campari
di piscaturi `nta `stu gran mari,
priparu amu e isca ogni matinu,
e comu voli Diu
cummattu `u distinu.
