Amuri di carritteri
Tira muleddu miu, tira e camina,
cu st`aria frisca e duci di la chiana,
lu scrusciu di la rota e la catina,
ti cantu sta canzuna paisana.
Amuri, amuri miu, pi tia cantu,
lu cori miu nun mi duna abbentu.
Acchiana, cavadduzzu miu,
c`avemu tanta strata di fari ancora.
Tu si di Chiazzi e iu di Mazzarinu,
l`amuri `nni facemu di luntanu,
e quannu sugnu, amuri, a tia vicinu,
ti cantu e ti sono u marranzanu.
Cavaddu curaggiusu e vulinteri,
puru supra a luna pozzu acchianari.
acchiana ca `dda cc`è
la me bedda affacciata.
Chistu è lu cantu di lu carritteri,
ca nuddu, nuddu si lu po` scurdari.
Cantu canzuni di milli maneri,
canzuni ca vi fannu `nnammurari.
Acchiana, cavadduzzu miu,
ca semu arrivati.
