Sicilia nel Mondo .com

Accadde oggi in Sicilia

1820 Nasce a Palermo Rosolino Pilo, fervente patriota che il primo maggio 1860 sarà colpito a morte dalle truppe borboniche a San Martino delle Scale.

1890 Nasce a Geraci Siculo (PA) Giacomo Albanese, insigne matematico, uno dei maggiori esponenti della "Scuola italiana di geometria algebrica".

Aviri ‘na fami chi parinu du fami

La scomparsa del Senatore Ludovico Corrao

Vincenzo Greco

La scomparsa del Senatore Ludovico Corrao rappresenta una perdita incalcolabile per la cultura e l'arte contemporanea. Vittima di un brutale omicidio, Corrao è ricordato non solo per la sua intensa carriera politica ma soprattutto per il suo straordinario impegno nella rinascita di Gibellina, devastata dal terremoto del 1968. Grazie alla sua visione, la nuova città divenne un simbolo di sperimentazione artistica, arricchita dalle opere di famosi artisti e architetti.

Parlare siciliano

Ci nn'era 'n'autru e la ciocca lu scaccià.

LU PEDI 'I FICU

Supra a lu gran piròscafu
partìu Turi Tutuni,
bigghiettu 'i terza classi,
valigia di cartuni.
Aviva diciott'anni
quann'u vasò a so' matri,
ci dissi: "Senza chiànciri...
nun siti suli vuatri.
E' tantu granni 'America,
travàgghiu nun ni manca,
prestu vi mannu i dollari
e li mittiti a' banca.
Ccà la burgata è povira,
li vucchi sunnu tanti,
sulu si ponnu jinchiri
si partu pi emigranti.
O' latu di la casa
chiantavu un pedi 'i ficu,
la sira tu abbivìralu
sinnò m'arresta nicu"!

Partìu cu lu piròscafu,
ci stetti quasi un misi,
a Nuova York arriva
sulu cu tri cammisi.
Prima ca trasi in portu,
la statua, di luntanu,
ci detti lu salutu
cu a torcia nta la manu!
Sbarcò Turi Tutuni
supra a lu novu munnu
e si sintìa 'nta l'animu
Cristofuru Culummu!
la vuluntà 'un ci manca,
li forzi l'havi sani,
ci tròvanu u travàgghiu
l'amici paisani.
'Ncumincia a lavapiatti...
e nni lavò, ma quanti!
Prima ca passa un annu
si grapi un ristoranti!

A' casa manna pìcciuli,
su sazi matri e figghi,
cu i dòllari d'America
allìvanu cunigghi.
Scrivi Turi a la matri:
"Mi sèrvinu aiutanti!
Fà vèniri a i me frati,
vinìti tutti quanti"!
Pàrtinu... li picciotti,
la matri resta sula,
lu ficu l'abbivìra
c'u chiantu chi ci scula!
Resta vacanti 'a casa,
cu lu purtuni chiusu.
O' postu di lu cori
la matri havi un pirtusu!
Lu pedi 'i ficu crisci
e àrbulu si fà,
la matri inveci accurza
pi curpa di l'età!

Li figghi si marìtanu,
la matri si fà nanna,
comu si la sintìssiru,
canta la ninna nanna!
Assùmmanu i ritratti
di tutti i niputeddi:
pàrinu facci d'àncili
pi quantu sunnu beddi.
Parra l'Amiricanu
st'àtra ginirazioni,
picchì su' citadini
di n'àutra nazioni.
Si fannu granni e crìscinu,
'ntantu scoppia la guerra.
Crisci puru lu ficu
supra a la nostra terra.
Parti surdatu u granni,
la nanna intantu mori
senza putiri strìnciri
a nuddu 'nta lu cori!

Sbarca in Sicilia Cìcciu
'nsèmmula a l'alliati,
però Frank lu chiàmanu
l'amici e li surdati:
'Nsacchetta havi un pizzinu
e na fotografia,
mentri li baddi frìscanu,
cerca qual'è la via:
Trova qual'è la casa,
è 'nfunnu a la burgata...,
li bummi 'un la lassaru:
e menza sdirrubbata!
Iddu nun si n'adduna:
lu punta lu nimicu...
lu sarva di lu chiummu
un grossu pedi 'i ficu!
L'havìa chiantatu u patri,
l'abbivirò la nanna
mentri ca, cu li lacrimi,
cantava 'a ninna nanna!